Захаваем культурную спадчыну і традыцыі малой радзімы разам

Адкрыты анлайн-праект па арганізацыі шостага школьнага дня “На скрыжалях аграгарадкоў-PRO”, запушчаны па ініцыятыве Дзіцячай палатай РС ГА “БРПА”, набірае абароты.

У трэцюю суботу кожнага месяца каманды ўстаноў агульнай сярэдняй адукацыі г. Ваўкавыска (АграТурысты) і каманды ўстаноў агульнай сярэдняй адукацыі аграгарадкоў Ваўкавыскага раёна (АграЗавулкі) сустракаюцца на АграСкрыжалі, ролю якога выконвае створаная ў сацыяльнай сетцы “Укантакце” старонка анлайн-праекта “На скрыжалях аграгарадкоў” (https://vk.com/club207738676).

Так, у трэцюю суботу студзеня быў арганізаваны чэлендж “Легенды аграгарадкоў”. У рамках чэленджа каманды правялі даследчую работу і ў творчай форме падзяліліся з удзельнікамі праекта легендамі і паданнямі аграгарадкоў і горада Ваўкавыска. У лютым каманды пачалі рыхтавацца да надыходу вясны праз удзел у анлайн-фэсце “Народны каляндар”. Удзельнікі праекта на сцяне  суполкі “расказалі” пра тое, як святкуюць надыход вясны ў іх сем'ях, аграгарадках, горадзе.

Удзел у праекце дазваляе ўдзельнікам больш даведацца пра гісторыю і традыцыі нашай малой радзімы, спрыяе фарміраванню патрыятызма і пачуцця далучнасці да багатай культурна-гістарычнай спадчыны беларускага народа.