З Днем настаўніка

Паважаныя калегі!   

Прыміце шчырыя віншаванні з цудоўным святам — Днём настаўніка! Няма прызвання больш значнага, гуманнага і высакароднага, чым быць педагогам і перадаваць вучням нязгасны агонь пазнання.

Выказваем словы ўдзячнасці за вашу вытрымку, невычэрпны энтузіязм, адданасць прафесіі і пастаянную гатоўнасць адкрыць сваю душу  кожнаму дзіцяці.

 Асаблівыя словы ўдзячнасці настаўнікам-ветэранам: за вернасць традыцыям, мудрасць і шчырасць, высокае пачуццё адказнасці і педагагічны талент.

Жадаем усім педагогам Ваўкавышчыны моцнага здароўя, сямейнага цяпла і ўтульнасці, новых здабыткаў і поспехаў, натхнення ў выкананні высокага абавязку — выхаванні Чалавека будучыні. Няхай шчаслівымі імгненнямі шчырага задавальнення ад настаўніцкай працы поўніцца ваша жыццё!

Аддзел адукацыі Ваўкавыскага райвыканкама

Раённы камітэт Беларускага прафсаюза работнікаў адукацыі і навукі