МІЖНАРОДНЫ ДЗЕНЬ РОДНАЙ МОВЫ

Родная мова, цудоўная мова!
Ты нашых думак уток і аснова!
У. Дубоўка

Штогод 21 лютага ва ўсім свеце адзначаецца Міжнародны дзень роднай мовы.

Гэтае свята, абвешчанае 17 лістапада 1999 года на 30-й сесіі ЮНЕСКА, накіравана на заахвочванне моўнай разнастайнасці і шматмоўнай адукацыі, падтрымку нацыянальных моў і культур, захаванне нацыянальнай адметнасці і самабытнасці, забеспячэнне права кожнага чалавека карыстацца роднай мовай і спрыяе ўсведамленню моўных і культурных традыцый, якія грунтуюцца на ўзаемаразуменні, цярпімасці і дыялогу.

Першапачаткова з ініцыятывай святкаваць Дзень роднай мовы выступіў Бангладэш. Менавіта ў гэтай краіне 21 лютага 1957 года загінулі пяць студэнтаў, якія адстойвалі права навучацца на роднай мове.

У лютым 2000 года Генеральная асамблея Арганізацыі Аб’яднаных Нацый, падкрэсліўшы важнасць культурнай і моўнай разнастайнасці, падтрымала рашэнне ЮНЕСКА аб абвяшчэнні Міжнароднага дня роднай мовы і заклікала ўсе дзяржавы спрыяць абароне і захаванню моў народаў свету.

На сённяшні дзень у свеце налічваецца каля 6 тысяч моў, але, па дадзеных ЮНЕСКА, у бліжэйшы час прыкладна палова з іх можа знікнуць, страціўшы апошніх носьбітаў. Паводле праведзеных даследаванняў кожныя два тыдні знікае адна мова, забіраючы з сабой непаўторную культурную спадчыну.

Установы адукацыі Ваўкавыскага раёна далучыліся да святкавання Міжнароднага дня роднай мовы. 335 вучняў, педагагічных работнікаў і бацькоў прынялі ўдзел у напісанні Гродзенскага абласнога дыктанта “Ciмвaл бязмepныx выпpaбaвaнняў бeлapуcaў”.