Для родителей
Безопасность жизнедеятельности в учреждениях образования
Электронные обращения
Наши победы
Резерв руководящих кадров
Гуманитарное сотрудничество
Волковысская районная организация Белорусского  профсоюза работников образования и науки

МІЖНАРОДНЫ ДЗЕНЬ РОДНАЙ МОВЫ

22 февраля 2022

21 лютага адзначаецца Міжнародны дзень роднай мовы, мэта якога - абарона моўнай і культурнай разнастайнасці, заахвочванне шматмоўнай адукацыі, а таксама ўсведамленне моўных і культурных традыцый, якія грунтуюцца на ўзаемаразуменні, талерантнасці і дыялогу. Свята было заснавана ў лістападзе 1999 г. рашэннем 30-й сесіі Генеральнай канферэнцыі ЮНЕСКА па прапанове Бангладэш і адзначаецца з 2000 г.

 У мэтах рэалізацыі Плана мерапрыемстваў Міністэрства адукацыі  Рэспублікі Беларусь па папулярызацыі і пашырэнні сферы выкарыстання беларускай мовы ў жыцці грамадства на 2010 і наступныя гады ва ўстановах адукацыі арганізавана шырокае святкаванне Міжнароднага дня роднай мовы:  акцыі “Гавары са мной па-беларуску”, “Родную мову – у кожны тэлефон”, віктарына “Разгадай рэбус”, інтэлектуальна-пазнавальная квэст-гульня “Край наш – дзівосны прыстанак загадак і цудаў…”, зменная фотасушка “Размаўляй са мной па-беларуску”,  інтэлектуальная гульня “З родным словам – круглы год”, конкурс эсэ “Люблю цябе такой, якая ёсць, зямля бацькоў святая”, конкурс віртуальных газет “Беларускай літаратура ў асобах”, конкурс кніжак-малышак “Рэцэпты маёй бабулі”, “Апранайся па-беларуску”, “Родны мой горад – любоў мая”, конкурс выканаўцаў музычных твораў на вершы беларускіх паэтаў, выстава малюнкаў да фальклорных твораў і твораў беларускіх пісьменнікаў “Наша творчасць”, кніжныя выставы “Чытаем па-беларуску”, “Пісьменнікі – юбіляры”, “Смак роднай мовы”, “Ваўкавыск мінулы і сучасны…”, “Мова – крыніца ўсёй прыгажосці” і інш.

У межах святкавання Міжнароднага дня роднай мовы для педагагічных работнікаў і вучняў устаноў агульнай сярэдняй адукацыі быў праведзены Гродзенскі абласны дыктант «Музей паэта» паводле Аляксея Кулакоўскага, прысвечаны юбілею Янкі Купалы.