Фінал Рэспубліканскага творчага конкурсу юных чытальнікаў “Жывая класіка”

23 жніўня 2022 года ў горадзе Мінску адбыўся фінал Рэспубліканскага творчага конкурсу юных чытальнікаў “Жывая класіка”, прысвечаны Году гістарычнай памяці. У конкурсе  прынялі ўдзел 16 юных артыстаў з устаноў агульнай сярэдняй адукацыі і ўстаноў дадатковай адукацыі дзяцей і моладзі нашай краіны. Конкурсныя выступленні праходзілі адначасова з запісам тэлевізійнай праграмы ў святле яркіх сафітаў здымачнага павільёна тэлеканала СТВ (“Сталічнае тэлебачанне”).

Ацэньвала выступленні фіналістаў конкурсу рэспубліканскае журы, у склад якога ўвайшлі Уладзімір Уладзіміравіч Андрыевіч – начальнік упраўлення выдавецкай і паліграфічнай дзейнасці Міністэрства інфармацыі Рэспублікі Беларусь, заслужаны дзеяч культуры Беларусі; Аляксандр Мікалаевіч Бадак – беларускі пісьменнік, дырэктар выдавецтва “Мастацкая літаратура”, член саюза пісьменнікаў Беларусі; Аксана Юр'еўна Кніжнікава – генеральны дырэктар Нацыянальнай бібліятэкі Беларусі; Ірына Пятроўна Пярэдня –  дырэктар дырэкцыі спецыяльных праектаў ЗАТ “Сталічнае тэлебачанне”; Надзея Іванаўна Коршунава – мастацкі кіраўнік установы адукацыі “Нацыянальны цэнтр мастацкай творчасці дзяцей і моладзі” Міністэрства адукацыі Рэспублікі Беларусь; Наталля Яўгенаўна Рачкоўская –  актрыса, рэжысёр, кіраўнік узорнага тэатра юнацкай творчасці Нацыянальнага цэнтра мастацка творчасці дзяцей і моладзі.

Цырымонія ўзнагароджання пераможцаў і прызёраў, якім уручаны дыпломы Міністэрства адукацыі Рэспублікі Беларусь I, II, III ступеняў, адбылася ў г. Добрушы ў рамках мерапрыемстваў да Дня беларускага пісьменства.

Членам журы выпала складаная задача, бо кожны з канкурсантаў быў непаўторны і пераканаўчы.

Казлоўская Анастасія, вучаніца 11 класа ДУА “Сярэдняя школа №7 г.Ваўкавыска”, узнагароджана дыпломам ІІІ степені ў  рэспубліканскім конкурсе юных чытальнікаў “Жывая класіка”.

Віншуем Анастасію з перамогай і жадаем поспехаў на творчым шляху!