Дзень беларускай мовы ў аздараўленчым лагеры “Першапраходзец”

Дзень роднай мовы - свята, усталяванае ЮНЭСКА, каб падтрымаць шырокае выкарыстанне спрадвечных моў. Дарэчы, беларуская мова самая старажытная сярод славянскіх і, згодна з даследаваннямі, самая мілагучная пасля італьянскай. Беларуская мова прайшла доўгі шлях, на якім былі як часы росквіту, так і часы заняпаду. Былі, нават, такія перыяды, калі беларуская  мова ледзь не знікла. Аднак, нягледзячы на ўсе перашкоды, наша мова вытрымала выпрабаванні і цяпер квітнее, займае сваё пачэснае месца сярод іншых моў свету.

Моўная культура беларусаў надзвычай багатая і самабытная. Яна ўвасоблена ў песнях, прыказках і, вядома, у творах мастацкай літаратуры. Дзень 12 ліпеня ў аздараўленчым лагеры “Першапраходзец” быў прысвечаны Дню роднай мовы. На працягу знаходжання ў лагеры дзеці размаўлялі паміж сабой і сваімі выхавацелямі на беларускай мове, знаёміліся з творчасцю вядомых беларускіх пісьменнікаў, а таксама разглядалі кнігі на беларускай мове, удзельнічалі ў конкурсе малюнкаў па творах беларускіх пісьменнікаў. Напрыканцы для усіх дзяцей адбылася  дыскатэка на беларускай мове з выкарыстаннем сучаснай папулярнай музыкі, аўтарскіх і народных песень - “Сучасны беларускі стыль: дыскатэка на «Танец размалюе свет».

Культура свету можа існаваць толькі тады, калі людзі маюць магчымасць карыстацца роднай мовай свабодна і ў поўнай меры ў любых жыццёвых абставінах.

Дзень роднай мовы, думаецца, застанецца ў памяці дзяцей, бо родная мова павінна жыць у сэрцы кожнага беларуса!

Дырэктар АЛ                                            М.Р.Губаева