Абласны фестываль “Стальны пацук-ХХІ”

Тры каманды інтэлектуалаў Ваўкавыскага раёна паспяхова выступілі на абласным фестывале “Стальны пацук-ХХІ” ў горадзе Ліда.

Арганізатары і гаспадары фестывалю ў чарговы раз прапанавалі лепшым эрудытам Гродзенскай вобласці цікавыя спаборніцтвы. Прыемна, што нашы навучэнцы амаль у кожнай гульні сталі прызёрамі.

Гадаванцы Ваўкавыскага ЦТДіМ выдатна выступілі ў гульнях: “Што?Дзе?Калі?” – каманда “Марэарці” заваявала другое месца,  у “Сваёй гульні”  каманда “Млечный шлях”  заваяваля трэцяе месца і трэці вынік сярод ювеналаў. У сваю чаргу, каманда “Лівень”, прадстаўнікі філіялу Ваўкавыскага ЦТДіМ,  больш моцна выглядала ў гульнях “Медыя-азбука” – 5-я пазіцыя, і “Тройка”, дзе яны дабраліся да фінальнай чацвёркі. У выніку – агульнае трэцяе месца сярод юніёраў.

28 мая дарослых і дзяцей - аматараў інтэлектуальных гульняў - чакае чарговы Ваўкавыскі адкрыты турнір інтэлектуальных гульняў “Моцная сям’я – моцная дзяржава”, а 11 чэрвеня яны ўжо запрошаны на абласны інтэлектуальны турнір “Белы кій”  у Гродна.